Hattrick Masters
Hattrick Masters - гэта міжнародны турнір, у якім прымаюць удзел пераможцы вышэйшых ліг, а таксама ўладальнікі кубкаў мінулага сэзону. Турнір працягваецца 4 тыдні і пачынаецца пасьля 4 тура чэмпіянату краіны. Матчы гуляюцца па панядзелках (у 16:00) і чацвяргах (у 20:00) па часе Hattrick.
Матчы
У Masters могуць прымаць удзел да 256 каманд, матчы праходзяць па кубкавай сыстэме. Усяго гуляецца 8 раўндаў. Пры лёсаваньні няма ані пасеву, ані ранжыраваньня, а гульні праходзяць на нэйтральных палях.
Калі каманд для першага раўнда недастаткова, некаторая колькасьць каманд (абіраецца выпадкова) пачынае турнір адразу з другога раўнда. Калі каманда пазбаўляецца ўладальніка, альбо зьмяняе яго, яна не ўдзельнічае ў Masters. Калі каманда выйграе ў адным сэзоне і кубак і чэмпіянат, то яна становіцца адзіным прадстаўніком краіны на Masters.
Асаблівасьці правілаў Masters
Наступныя правілы дзейнічаюць толькі для матчаў Hattrick Masters:
Карткі і пашкоджаньні: Карткі ня ўлічваюцца (акром чырвоных картак у час гульні, зразумела ж), а вось пашкоджаньні гульцоў нікуды не зьнікаюць.
Камандны лад: Загады гульцам "Матч сэзону" (МС\MOTS) і "Гуляць напаўсілы" (ГН\PIC) ня ўплываюць на камандны лад як у звычайным матчы. Уплыў каманднага ладу - такі ж, як і ў звычайным матчы.
Трэніроўкі: Гульні Masters ня ўлічваюцца пры правядзеньні трэніроўкі.
Прыбытак ад удзелу ў Masters
Прыбыткі дзеляцца пароўну паміж гаспадарамі і гасцямі. Лепшыя каманды да таго ж яшчэ атрымоўваюць прызавыя, памеры прызавых глядзіце ніжэй.
Каманда-пераможца Hattrick Masters атрымлівае 800 000 US$, за другое месца выплочваецца 400 000 US$. Каманда, якая выбудзе ў паўфінале, атрымае 200 000 US$, у чвэрцьфінале - 100 000 US$, у адной восьмай - 50 000 US$.